Direkteure in hof vir bedrog van R16 milj.
2012-01-13 23:08
Johannesburg – Twee direkteure van ‘n boumaatskappy in Taung in die Noordwes het Vrydag in die Mmabatho-landdroshof verskyn op aanklagte van R16,6 miljoen se bedrog, het die polisie gesê.
“Die 47-jarige man is op borgtog van R5 000 vrygelaat en sy 42-jarige meisie op R1 000 borgtog. Hul volgende hofdatum is 16 Februarie,” het brig. Thulani Ngubane gesê.
Miciel Marais en Janice Mendes is betaal om 731 huise in twee verskillende projekte in die Taung-munisipaliteit te bou.
In die eerste projek sou 360 huise in die Ba Ga Phuduhucwana-uitbreiding gebou word en hulle is R8 110 500 daar voor betaal.
Vir die tweede projek moes 371 huise in Ba Ga Maldi gebou word en R8 501 600 is aan die maatskappy betaal.
Die departement van menslike nedersettings het gevra dat die spesiale ondersoekeenheid (SOE) die kwessie ondersoek, nadat plaaslike inwoners betogings oor dienslewering gehou het.
“Die ondersoek deur die SOE het getoon dat slegs een huis in die Ba Ga Phuduhucwana-uitbreiding gebou is, in plaas van 360,” eht Ngubane gesê.
“Die munisipaliteit het ‘n groot finansiële verlies gely.”
– Volg Nuus24 op Twitter
- SAPA