Diewe in Pta vlug met 70 handgranate

2012-07-04 14:15

Pretoria – Die polisie is op die spoor van diewe wat 70 handgranate van 'n bakkie af gesteel het, het 'n beampte gesê.

Die bakkie van Denel, wat voorraad by die Wallmansthal-weermagbasis moes aflewer, het by 'n vulstasie op die N1-Noord naby Hammanskraal, Pretoria, stilgehou.

Volgens 'n polisiebeampte het die bestuurder en sy assistent omstreeks 05:00 by die vulstasie aangekom en besluit om te gaan slaap, omdat hulle die aflewering eers 08:00 kon doen.

Terwyl die mans in die bakkie geslaap het, het die diewe seep van 'n ander vragmotor gesteel, voordat hulle 'n kartondoos op die bakkie oopgesny het.

Die polisie se honde-eenheid is op die toneel.

– Lees meer hier

– Volg Nuus24 op Twitter