Dié 1time-kliënte dalk nie vergoed
2012-11-05 09:23
Johannesburg – Kliënte wat kontant betaal het vir hul 1time-vliegkaartjies, sal dalk nie hul geld terugkry nie, het The Star Maandag berig.
Refilwe Masemola, woordvoerder van 1time, het gesê die lugredery kan niks doen omtrent klante wat kontant betaal het nie.
"Indien jy 'n kaartjie op jou kredietkaart gekoop het, kan jy die bank kontak en hulle sal die terugbetaling maak. Ons weet nie hoe lank dit sal neem nie," het Masemola gesê.
"Die mense wat kontant betaal het, ek kan nie daarop kommentaar lewer nie. Ek sal Maandag by 'n kenner moet hoor."
Masemola het 'n verklaring op die lugredery se Facebook-blad gepubliseer oor hoe om met die verskeie banke te werke te gaan.
Geen besonderhede is verskaf oor hoe klante, wat kontant betaal het, hul geld sal terugkry nie.
ABSA, Nedbank, First National Bank en Standard Bank het aangekondig dat hulle klante, wat hul kaartjies met hul kaarte gekoop het, sal terugbetaal.
Honderde passasiers is Vrydag gestrand gelaat toe die lugredery sonder waarskuwing al sy vlugte gekanselleer het weens bankrotskap.
Die lugredery se skuld beloop sowat R320 miljoen.
– Volg Nuus24 op Twitter
- SAPA
