Dewani-moordverdagte weerspreek hom telkens

2012-10-25 13:24

Kaapstad – Die man wat daarvan aangekla word dat hy Anni Dewani vermoor het, se prokureur sal na verwagting twee getuies na vore roep om in sy verdediging te getuig.

Xolile Mngeni se eie drie dae lange getuienis het Woensdag in die Kaapstadse hooggeregshof tot ‘n einde gekom.

Eyewitness News berig die moordbeskuldigde het homself verskeie kere weerspreek.

Mngeni (25) word daarvan beskuldig dat hy die toeris in 2010 in Gugulethu doodgeskiet het.

Sy prokureur het gesê regsverteenwoordigers probeer Mngeni se vriendin in die Oos-Kaap opspoor.

Volg Nuus24 op Twitter