Dewani-moordenaar het 'seldsame breingewas'

2012-11-26 14:06

Kaapstad – Die stad se hooggeregshof het gehoor die man wat Anni Dewani vermoor het, het ‘n baie seldsame breingewas wat langtermyn dodelik kan wees.

Só het dr. Jeannette Parks vroeër in die hof getuig.

Eyewitness News berig Xolile Mngeni se prokureur het die dokter gevra om te getuig ter versagting van die veroordeelde moordenaar se vonnis. 

Mngeni is verlede week daaraan skuldig bevind dat hy die toeris in 2010 in ‘n beweerde kaping doodgeskiet het.

Parks het gesê ‘n baie seldsame breingewas is verlede jaar by die veroordeelde moordenaar gediagnoseer. Sy sê die siekte het na dele van sy brein en ruggraat versprei.

Regter Robert Henney het bygevoeg dat dit ‘n moeilik taak is om Mngeni se lot te bepaal.

Lees meer hier

Volg Nuus24 op Twitter