Dewani-moord: Polisie, getuies het saamgesweer

2012-11-06 14:43

Kaapstad – Die polisie en getuies het saamgesweer om Xolile Mngeni by die moord van Anni Dewani te betrek, het die Wes-Kaapse hooggeregshof Dinsdag gehoor.

In sy slotbetoë het Qalisile Dayimani, wat Mngeni verteenwoordig, baie van die staat se getuies daarvan beskuldig dat hulle hul bewyse gefabriseer het en inligting oor die misdaad van die polisie ontvang het.

Dayimani het regter Robert Henney gevra om die meeste van dié bewyse te verwerp.

Mngeni het onskuldig gepleit op aanklagte van kaping, roof en die moord op Dewani op 13 November 2010.

Henney het die verdediging gevra of die bewerings 'n teorie is of gebaseer is op feite.

"Dit is 'n teorie," het Dayimani geantwoord.

Henney het gesê die prokureur is al lank genoeg in die hof om te weet dat mense nie op grond van teorieë veroordeel word nie.

"Dit is bespiegeling. Daar is 'n verskil tussen logiese gevolgtrekkings en bespiegelings... dit moet gebaseer wees op bewyse en sekere konkrete feite om ons te oortuig om dit te glo," het die regter gesê.

Die verhoor duur voort.

– Volg Nuus24 op Twitter

- SAPA