Dewani hoor volgende jaar oor uitlewering
2011-12-16 14:30
Kaapstad – Die Britse sakeman Shrien Dewani sal tot volgende jaar moet wag om te hoor of hy aan Suid-Afrika uitgelewer word.
Dewani appelleer teen 'n bevel dat hy aan Suid-Afrika uitgelewer kan word oor die moord op sy vrou, Anni.
Hy word daarvan beskuldig dat hy die huurmoord op Anni in November verlede jaar tydens hul wittebrood in Kaapstad, beplan het.
'n Woordvoerder van die hooggeregshof het gesê regters het hul uitspraak voorbehou.
"Die hof sal nou die dokumente en argumente oorweeg. Uitspraak in die saak is tot die volgende hoftermyn, wat op 11 Januarie 2012 begin, uitgestel."
Die Britse minister van binnelandse sake, Theresa May, het Dewani se uitleweringsbevel in September onderteken.
– Lees meer hier
– Volg Nuus24 op Twitter