Departement van binnelandse sake trek stad toe
2011-11-04 19:03
Johannesburg – Die departement van binnelandse sake se
hoofkwartiere gaan terugskuif na die middestad van Pretoria, het
direkteur-generaal Mkuseli Apleni gesê.
“Ons sal binnekort van Waltloo (oos van
Pretoria) na die Hallmark-gebou in die middestad van Pretoria skuif,” het hy
gesê.
Gevolglik sal die departement se hoofkwartiere
meer toeganklik wees, het Apleni gesê.
Die departement het ‘n huurkontrak wat vir die
volgende sewe jaar geldig is geteken.
Die huur sal dieselfde wees as wat die
departement tans in Waltloo betaal alhoewel dit nie bekend is hoeveel die huurkontrak die departement gekos het nie.
“Planne vir die trek is gefinaliseer en sal in
fases tussen 17 November en 22 Desember plaasvind.
“Reëlings is in plek gestel vir die minimum
onderbreking van dienste,” het Apleni verseker.
Volg Nuus24 op Twitter.
- SAPA
