Departement ondersoek seksvideo by skool

2013-03-05 12:46

Kaapstad – Die Wes-Kaapse departement van onderwys ondersoek 'n video waarin twee leerders agter in 'n klaskamer seks het.

'n Bekommerde ouer het die beeldmateriaal aan The Daily Voice oorhandig nadat sy dit op haar broerskind se selfoon gesien het. Die kind het na bewering aan haar gesê 'n vriend van 'n ander skool het dit aan hom gestuur.

Die video, wat langer as 'n minuut is, wys hoe 'n jong seun en meisie seks het terwyl 'n derde persoon die daad opneem.

Die seun sit op 'n stoel en die meisie op sy skoot. Albei was in skooluniform geklee.

Volgens die berig het die seun geglimlag en tekens aan die kamera gewys. Aan die einde van die video kyk die meisie op en toe sy besef sy word opgeneem, het sy haar gesig versteek.

"Ons is diep bekommerd oor die saak en ondersoek dit as 'n saak van dringendheid," het Bronagh Casey, woordvoerder van Donald Grant, LUR vir onderwys, gesê.

"Ons was nie bewus dat die video bestaan nie en ons probeer vasstel watter skool dit is."

– Volg Nuus24 op Twitter

- SAPA