Delmas-moorde: Twee verdagtes in boeie

2012-05-30 08:43

Kaapstad – Die polisie het twee verdagtes in verband met die moord op ‘n babaseuntjie en sy bejaarde dagmoeder in hegtenis geneem.

Beeld berig die verdagtes is Dinsdagaand in Daveyton aan die Oos-Rand aangekeer.

Wiehan Botes, wat vyf maande oud was, en sy oppasser, Margrietha de Goede (66), is verlede week in Delmas, Mpumalanga, vermoor.

De Goede en die seuntjie is ‘n week gelede dood in haar huis op Delmas aangetref. Albei is verwurg.

Die baba se ma, Rieta Botes, het De Goede herhaaldelik gebel en bekommerd geraak toe niemand antwoord nie.

De Goede se lyk is later onder ‘n mat in ‘n buitekamer gevind. Wehan se lyk is onder ‘n bed in die huis gevind.

Volg Nuus24 op Twitter