Dandala bedank as Cope LP
2010-06-21 16:25
Johannesburg - Die bedanking van Cope se parlementêre leier, Mvume Dandala, sal Vrydag bespreek word wanneer die die party se nasionale komitee vergader, het Cope-woordvoerder Phillip Dexter Maandag aangedui.
Luidens Dexter het Dandala in 'n brief aangekondig dat hy as parlementslid van die party se nasionale komitee, sowel as die party se uitvoerende komitee, bedank.
Dandala sal egter steeds 'n lid van Cope bly.
Die vervanging van Dandala sal glo ook deel uitmaak van Vrydag se besprekings.
Volg Nuus24 op Twitter.