Dalai Lama-visum: Regering tree onwettig op

2012-11-29 12:16

Bloemfontein – Die regering het onwettig opgetree toe hy ‘n besluit oor die Dalai Lama se visum-aansoek uitgestel het, het die appèlhof Donderdag beslis.

Die hof het tot die gevolgtrekking gekom dat Nkosazana Dlamini-Zuma, voormalige minister van buitelandse sake, die besluit op ‘n onredelike wyse vertraag het.

Mangosuthu Buthelezi, leier van die IVP, en die leier van Cope, Mosiuoa Lekota, het destyds appèl aangeteken teen 'n beslissing van Kaapstad se hooggeregshof wat die saak uitgegooi het.

Die Tibettaanse geestelike leier het op 4 Oktober verlede jaar sy besoek aan Suid-Afrika, om emeritus-aartsbiskop dr. Desmond Tutu se verjaardag by te woon, gekanselleer.

Tutu het in reaksie die huidige regering daarvan beskuldig dat hy erger as die regering van die apartheid-era is.

Volg Nuus24 op Twitter

- SAPA