DG Vervoer nou sekretaris van verdediging
2010-04-07 00:02
Kaapstad – Pres Jacob Zuma het Mpumi Mpofu, voormalige direkteur-generaal (DG) van die departement van vervoer, as die land se nuwe sekretaris van verdediging aangestel, het die presidensie Dinsdag gesê.
Mpofu neem die leisels by lt.genl. Themba Templeton Matanzima oor, wat vir ‘n maand as waarnemende sekretaris van verdediging gedien het.
Sy is die vrou van Dali Mpofu, destydse groephoof van die SABC.
David Maynier, DA-woordvoerder oor verdediging, sê hy is bekommerd dat Mpofu nie genoeg ondervinding in dié veld het nie.
Hy sê daar lê ook talle uitdagings voor haar in dié afdeling.
Die verdedigingsdepartement “sit in ‘n groot gemors” en Mpofu is ‘n vreemdeling in dié department, het hy in ‘n verklaring gesê.
Hy sê hy hoop haar ervaring in publieke dienste sal in haar guns tel en die departement red.
- Sapa