DBV vrees toename in verdwaalde honde

2011-12-31 19:10

Kaapstad – Die Dierebeskermingsvereniging (DBV) in Kimberley in die Noord-Kaap het reeds meer as 200 verdwaalde en getraumatiseerde honde in bewaring geneem sedert die begin van die skoolvakansie.

Die organisasie vrees dat dié getal teen die einde van die naweek skerp sal styg, het RSG berig.

Mario van der Westhuizen, ‘n woordvoerder vir die DBV, het 'n beroep op troeteldier-eienaars landwyd gedoen om hul diere vanaand binnenshuis te hou om hulle teen die uitwerking van vuurwerk te beskerm.

Volg Nuus24 op Twitter