DBN se motoriste skuld spietkops miljarde

2012-11-22 12:35

Durban – Motoriste skuld die eThekwini-munisipaliteit R1,4 miljard se verkeersboetes, het The Mercury berig.

Luidens ‘n verslag wat deur die stad se metropolisie saamgestel is, is slegs 14% van die boetes vanjaar vereffen.

Die verslag wys dat R3,7 miljoen van die uitstaande boetes na 2005 terug dateer.

Die nuutste getalle wys altesaam 3 145 boetes is in September vir rooilig-oortredings uitgeskryf. In dieselfde maand is 13 403 boetes vir spoedbeperkings, 16 867 vir parkeer-oortredings en 29 326 vir “ander” oortredings uitgereik.

Kwanele Ncalane, woordvoerder vir die provinsie se departement van vervoer, sê planne is in plek gestel om die onbetaalde boetes tydens die komende vakansie in te samel.

Volgens die woordvoerder sal padblokkades opgerig word.

Volg Nuus24 op Twitter  

- SAPA