DA-studente laat tonge klap met plakkaat
2012-01-23 18:55
Lauren Hess
Kaapstad – ‘n Plakkaat van die DA Studenteorganisasie (DASO) waarop twee mense van verskillende rasse in ‘n intieme posisie verkeer, het Maandag die tonge laat klap op sosiale netwerke.
Die plakkaat toon hoe ‘n wit man en ‘n swart vrou, albei blykbaar kaal, mekaar omhels. Die leuse op die plakkaat lui: “DASO – In ons toekoms sal jy nie twee keer kyk nie.”
Die organisasie het ‘n stortvloed reaksies op hul Facebook-blad gekry, met baie mense wat gekla het oor die geïmpliseerde naaktheid.
Arlette Franks het geskryf: “The nakedness completely diverts from the intended message of political togetherness - unless politics really is all about sex?”
Estelle Nel het gesê: “I don't care if who they put on there, I just think its stupid to have naked people on there. That's what made me look. [sic]”
Masoga Rueben het die plakkaat “disgusting” genoem.
Simon Cameron-Dow het egter gesê: “I don't see something sexual. They did this pic very well. The pose, the embrace, their expressions. It looks convincing, it looks like love, it looks beautiful.”
Op Twitter het “NomalangaSA” gesê: “In my future, I hope those damn townships are gone in Cape Town and all the Blacks have moved into Camps Bay to share that view. [sic]”
Die DA Jeug het aan News24 gesê as opgevoede universiteitstudente dink die plakkaat promoveer seks, “dan het ons geen hoop nie”.
- Volg Nuus24 op Twitter
- News24