DA onsteld oor verhogings
2009-12-19 01:41
Johannesburg – Die DA het Vrydagmiddag daarop aangedring dat regeringsbeamptes teruggeroep word, om teenstrydighede met onderwysers se salarisverhogings uit te klaar.
Dít kom ná ‘n berig in Beeld dat die salarisverhogings van onderwysers nie in Desember aangepas was, soos verwag nie.
“Die departement van onderwys moet verduidelik hoekom hulle toegelaat het dat swak beplanning en onbevoegdheid die sakke van duisende onderwysers, oor die kersgety moet affekteer,” het ‘n verklaring van die DA gelui.
“Die feit dat die departement nou die provinsies blammeer, omdat hulle glo die diensjare verkeerd aangeteken het, wys dat die departement daarin gefaal het om hul nodige beheer daaroor toe te pas.”
“Die minister moet hiervoor verantwoordelikheid neem en sorg dat dit onmiddellik uitgesorteer word. Beamptes moet teruggeroep word om hul foute reg te stel.”
“Die verklaring dat aanpassings eers teen 15 Januarie 2010 gereed sal wees is onaanvaarbaar.”
John Maluleke, sekretaris-generaal van die SA Democratic Teachers' Union (Sadtu) het gesê slegs ‘n klein persentasie van onderwysers was hierdeur geraak.
Volgens hom wil dit voorkom dat dit slegs onderwysers is wat voor 1992 aangestel was.
Hulle is reeds vir hul diensjare ná daardie periode betaal omdat hulle op die huidige betaal sisteem reflekteer, maar nie vir die periode voor 1992 nie.
Maar Maluleke is vol vertroue dat die uitstaande bedrae wel betaal sal word, sodra die nodige dokumentasie ingehandig is om die probleem op te los.
‘n Woordvoerder van die departement van onderwys was nie onmiddellik beskikbaar vir kommentaar nie.
-Sapa