DA kla beamptes aan oor bedrieglike tenders
2012-08-05 12:44
Johannesburg – Die DA het kriminele klagte teen voormalige lede van die Groter-Letaba-munisipaliteit in Limpopo gelê nadat hulle glo ‘n bedrieglike tender goedgekeur het, het die party Sondag gesê.
Jacques Smalle, DA-LP, sê hy het die aanklagte Vrydag teen die munisipaliteit se voormalige bestuurder, hoof finansiële beampte en sy tegniese direkteur gelê.
Die munisipaliteit kon nie vir kommentaar bereik word nie.
Smalle sê die beamptes het glo verlede jaar ‘n betaling van R2,5 miljoen aan ‘n voormalige werknemer van Star Mill Developers goedgekeur. Dié maatskappy word gekontrakteur om paaie en stormwater infrastruktuur in Modjadjiskloof te bou.
“Hierdie betaling is sonder behoorlike kontrole gemaak, glo toe hierdie werknemer bloot aan die munisipaliteit beweer het dat die tender syne is,” het hy in ‘n verklaring gesê.
“Die hoof-kontrakteur het nie daarin geslaag om sy verantwoordelikhede onder die tenderooreenkoms uit te voer nie.
“In plaas daarvan dat hierdie munisipale beamptes aangedring het dat werkverrigting volledig gedoen word of geld wat reeds betaal is, moet teruggegee word, het hulle voortgegaan en betalings aan die werknemer goedgekeur.”
Smalle sê die beamptes het glo die wet op munisipale finansiële bestuur oortree.
Die polisie moet nou ondersoek instel hoe ‘n persoon wat nooit ‘n kontrak vir ‘n tenderooreenkoms met die munisipaliteit gehad het nie, opgeëindig het om miljoene rande te ontvang,” het hy gesê.
“Die feit dat hierdie transaksie goedgekeur is deur die beamptes toe hulle nog hierdie posisies beklee het, wis nie hul vorige foute uit nie en hulle moet nou nog verantwoordbaar gehou word.
“Dit sal dien as ‘n afskrikmiddel vir toekomstige beamptes wat dalk dieselfde wil doen.”
– Volg Nuus24 op Twitter
- SAPA
