DA kap straler-besluit
2011-04-03 20:54
Johannesburg - Die besluit deur die minister van verdediging, Lindiwe Sisulu, om twee nuwe stralers vir die vervoer van BBP’s teen R800 miljoen aan te skaf, is deur die DA bevraagteken.
“Waarom spandeer ons R800 miljoen aan stralers vir BBP’s terwyl miljoene mense nie toegang tot behuising, gesondheidsdienste en ander basiese dienste het nie,” het David Maynier, DA-LP, Sondag gesê.
“Die ministeriële handboek is duidelik: die gebruik van lugmag-vliegtuie vir dié doel moet die uitsondering wees, en nie die reël nie,” het hy gesê.
Die tender is blykbaar toegeken aan AdoAir, ‘n maatskappy wat deur die Nigeriese sakeman Adegboyega Olulade besit word.
Die tenderdokument het luidens berigte gespesifiseer dat die vliegtuig minstens 17 mense moet kan vervoer en dat dit slaapkwartiere vir twee passasiers, aanboord-kommunikasiestelsels en konferensiefasiliteite moet hê.
“Die gebruik van die Suid-Afrikaanse Lugmag om BBP’s rond te karwei, moet van naby bekyk word,” het Maynier gesê.
- Volg Nuus24 op Twitter
- SAPA