DA kap ANC oor 'leë beloftes'
2011-07-29 11:06
Kaapstad – Die DA het die regering daarvan beskuldig dat hy nie sy belofte van werkskepping nagekom het nie.
Die party het gereageer op syfers deur Statistiek Suid-Afrika dat die werkloosheidskoers tot bykans 26% gestyg het, het RSG berig.
Ian Hollis, woordvoerder vir die DA, sê dit word toenemend duidelik dat die regering se belofte om 2011 die jaar van werkskepping te maak, misluk het.
Hollis sê Statistiek Suid-Afrika se opname dui daarop dat slegs 7 000 werkgeleenthede in die laaste drie maande geskep is.
Hy sê sedert die vierde kwartaal van 2008, het Suid-Afrika 902 000 werkgeleenthede verloor.
Volg Nuus24 op Twitter.