DA en OD gaan saamsmelt
2010-08-15 17:05
Kaapstad - Die Demokratiese Alliansie (DA) en die Onafhanklike Demokrate (OD) het aangekondig dat hulle gaan saamsmelt om 'n sterker opposisie te vorm, het RSG berig.
Haniff Hoosen, sekretaris-generaal van die OD, het gesê sy party gaan op 'n gekoördineerde wyse uitgefaseer word as 'n onafhanklike organisasie.
Die proses strek tot die nasionale verkiesing in 2014, waarna lede van die OD by die DA sal aansluit.
Helen Zille, leier van die DA, en Patricia de Lille, president van die OD het die aankondiging in Kemptonpark gemaak.
- Volg Nuus24 op Twitter.