DA-LP sal skuld ontken oor 'wangedrag'
2012-01-24 16:07
Johannesburg – Die DA-LP Masizole Mnqasela sal onskuldig pleit op ses aanklagte van wangedrag wat die party teen hom ingedien het, het ‘n koerant Dinsdag berig.
The Sowetan berig dat Mnqasela volgende week voor die DA se federale regskommissie sal pleit.
“Ek sal môre (Dinsdag) met my regspan vergader en ‘n mediakonferensie hou om sy saak te stel,” het hy gesê.
Mnqasela het in ‘n verklaring gesê die aanklagte teen hom is “skreeusnaaks en ‘n desperate poging [deur die DA] om uiteenlopende sienings te versmoor.”
Sy aanklagte hou verband met verlede jaar se veldtog vir Lindiwe Mazibuko, parlementêre leier van die DA.
Mnqasela het na bewering gesê dat sy nie swart genoeg is om swart stemmers na die party te lok nie.
“As jy jou oë toe maak en na Lindiwe Mazibuko luister wanneer sy praat, sal jy sê ‘n wit persoon praat met jou,” het hy glo gesê.
Helen Zille, leier van die DA, sê Mnqasela se gedrag en uitsprake is nie in lyn met die party se beleid nie.
Mnqasela sê die aanklagte is ‘n smeerveldtog teen hom.
Volg Nuus24 op Twitter
- SAPA