DA: Besnydenisse hoort in hospitaal
2010-06-28 14:20
Johannesburg - Besnydenisse moet voortaan in hospitale deur bevoegde chirurge gedoen word om sterftes te voorkom, het die Demokratiese Alliansie (DA) in Gauteng Maandag gesê.
Dít kom nadat daar die naweek berig is 144 mense is in die Oos-Kaap dood tussen Januarie 2008 en Desember 2009 in voorvalle wat met besnydenis verband hou.
"Dokters moet opleiding, eksamens en toetse vir bevoegdheid ondergaan voordat hulle kan registreer om te praktiseer, maar in Suid-Afrika kan enige onbevoegde persoon 'n jong man kreupel met die wete hulle sal niks oorkom indien iets verkeerdgaan nie," het Neill Campbell, provinsiale gesondheidswoordvoerder van die party, gesê.
Hy het 'n beroep op die gesondheidsdepartement gedoen om tradisionele medisyne en operasies te reguleer onder bestaande wette.
- Volg Nuus24 op Twitter.
- SAPA