D-dag vir Serwiese sluipmoordenaar in SA

2012-01-19 12:01

Kaapstad – Die departement van binnelandse sake sal Donderdag besluit of hulle vlugtelingstatus aan ‘n Serwiese sluipmoordenaar gaan toestaan.

Dobrosav Gavric staar 35 jaar tronkstraf in die gesig in sy tuisland nadat hy skuldig bevind is aan moord.

Die DA het aangedui dat dat hy daarteen gekant is om vlugtelingstatus aan Gavric toe te staan.

Die party het verduidelik dat wetgewing stipuleer dat dié status slegs toegeken mag word as die persoon se lewe in gevaar is as gevolg van hul ras, stam of geloof.

Die party se Annette Lovemore het gesê Gavric val nie onder enige van hierdie kriteria nie.

– Lees verder by Eyewitness News

– Volg Nuus24 op Twitter