D-dag vir MXit-verdagte

2010-08-10 10:50

Johannesburg - Die verdagte wat na bewering ‘n 15-jarige meisie op MXit ontmoet en haar daarna glo verkrag het, het ook ‘n tweede tiener probeer uitlok.

Na bewering het vriende van die tweede tiener se familie die teenmisdaadnetwerk eBlockwatch gekontak nadat die verdagte die jong meisie gekontak het.

IOL het berig dat André Snyman van eBlockwatch die verdagte via SMS gekontak het.

Die verdagte het glo gesê dat hy homself Dinsdag aan die polisie sal oorhandig.

“Ek het aan hom gesê dat dit beter vir hom sal wees as hy homself aan die polisie oorhandig. Dinsdag is D-dag vir hom,” het Snyman gesê.

Lees meer hier.

Volg Nuus24 op Twitter.
 

Gee jou mening oor hierdie gesprek - lewer hieronder kommentaar