D-dag vir ANC-topposte

2012-12-18 07:18

Kaapstad – Afgevaardigdes by die ANC se verkiesingskonferensie in Mangaung het vir die benoemdes vir die topses-poste in die party begin stem.

Die uitslag van die stemmery sal na verwagting Dinsdag bekend gemaak word.

Pres. Jacob Zuma en Kgalema Motlanthe sê mekaar die stryd aan om die posisie van president van die ANC terwyl Mathews Phosa, Cyril Ramaphosa en Tokyo Sexwale meeding om adjunk-president.

Baleka Mbete en Thandi Modise is vir die posisie van voorsitter genomineer terwyl afgevaardigdes tussen Gwede Mantashe en Fikile Mbalula moet kies as sekretaris-generaal van die party.

Jesse Duarte is die enigste genomineerde vir die pos van adjunksekretaris-generaal en geen stemmery sal vir die posisie plaasvind nie.

Paul Mashatile en Zweli Mkhise sal mekaar die stryd aansê om die posisie van tesourier-generaal.

Sowat 4 075 afgevaardigdes sal aan die stemmery deelneem en die stemme sal per hand getel word.

Volg Nuus24 op Twitter.