Coyne Dinsdag in Seepunt gegroet
2010-08-21 08:33
Kaapstad. – Die TV-persoonlikheid Fiona Coyne se familie het gister begin om reëlings vir haar begrafnis te tref.
Die uitslag van die nadoodse ondersoek is steeds nie bekend nie.
Coyne se lyk is Woensdag in haar huis in Vishoek gevind. Sy het selfmoord gepleeg.
Die begrafnisdiens sal Dinsdag om 12:30 uit die Katolieke Kerk St.
Peter in die Strand plaasvind, waarna ’n private verassing gehou word.
Volgens me. Kee-Leen Irvine, ’n familiewoordvoerder, waardeer Coyne
se naasbestaandes die mediabelangstelling, maar het besluit dat
medialede nie die diens sal kan bywoon nie. “Die media is welkom om voor
en ná die diens daar te wees, maar gaan nie in die kerk toegelaat word
nie.”
Coyne se familie is steeds diep geskok oor haar dood en volgens Irvine sal me. Dolly Coyne nie die media te woord staan nie.
“Die familie het ongelooflike ondersteuning van die gemeenskap gekry en hulle waardeer dit baie.”
- Die Burger