Cosatu vaar die strate in
2012-12-05 18:00
Fotogalery - Cosatu betoog teen e-tolstelsel
klik op klein foto bo om groter prentjie te sien
Johannesburg – Cosatu sal Donderdag in motors op hoofweë protes aanteken teen die e-tolstelsel in Gauteng, het die vakverbond Woensdag gesê.
"Ons sal hierdie keer nie met ons voete betoog nie; ons sal protes aanteken met ons wiele," het Phutas Tseki, voorsitter van Cosatu in Gauteng, aan verslaggewers in Johannesburg gesê.
"Ons sal stadig ry."
Tseki het gesê dis nie 'n staking nie, en dat werkers Donderdag op hul pos sal wees.
Cosatu-leiers en die leiers van Cosatu-bondgenote sal na verwagting aan die protesaksie deelneem.
"Ons sal dit vir amper sewe uur lank doen," het Tseki gesê.
Een veldtog sal in Ekurhuleni plaasvind, en die ander in Johannesburg.
Motoriste sal om 06:00 op die hoek van Black Reef- en Masakanestraat in Ekurhuleni byeenkom, en op Jorissenstraat in Johannesburg.
Die protesaksie, wat om 08:00 sal begin, sal op van Johannesburg se besigste hoofweë plaasvind, insluitend die N1, M2, M1, N3, N12, R24 en R21.
Sowat 100 motors word op elk van die roetes verwag.
– Volg Nuus24 op Twitter.
- SAPA
