Cosatu dreig met hernude stakings
2010-09-07 12:46
Kaapstad – Cosatu dreig met ‘n hernude staking in die Wes-Kaap as gevolg van die aansoek van ‘n “geen werk, geen betaling”-beleid in die provinsie.
Die vakbond het Dinsdag gesê hulle sal die DA-beheerde provinsiale regering tot Donderdag gee om die “dreigement van aftrekkings” terug te trek.
Indien hulle dit nie terugtrek nie, sal die vakverbond hul lede bymekaarroep vir ‘n “ondersteunende staking”.
Dit was in reaksie op ‘n brief van die premier, Helen Zille, aan die provinsiale sekretaris van die National Education, Health and Allied Workers's Union (Nehawu) wat Maandag gestuur is.
In die brief sê Zille dat haar administrasie deur die nasionale departement van openbare dienste en administrasie gevra is om die beleid vir stakende werkers toe te pas.
“Die departement het verder gewaarsku dat departemente wat nie die aftrekkings in effek bring nie hiervoor sal moet rekenskap neem volgens die Wet op Openbare Finansiële Bestuur,” het Zille gesê.
Cosatu het Dinsdag in ‘n verklaring gesê dat die DA in ooreenstemming moet wees met die oplossings op nasionale vlak, waar die kwessie van aftrekkings nog “onderhandel” word.
Volg Nuus24 op Twitter
- SAPA