Cosatu beplan massa-optog, verwoesting

2012-11-29 09:21

Johannesburg – Die Congress of South African Trade Unions (Cosatu) beplan om die strate in te vaar om teen die omstrede e-tolstelsel te betoog.

Volgens berigte dreig die vakverbond om die beplande tolpaaie se stellasies op die hoofweë af te breek.

Berigte dui daarop dat die vakverbond Johannesburg en Pretoria tot stilstand wil ruk voordat hulle volgende week met nóg betogings wil voortgaan.

Eyewitness News berig Dumisani Dakile, Cosatu se Gautengse sekretaris, het dié berigte ontken en sê die vakverbond se voorneme is net om te vra dat die stellasies vernietig word.

“Ons sal die departement van behuising en die plaaslike regering vra om die tolpaaie af te breek soos wat hulle huise in Lenasia afgebreek het.”

Phutas Tseki, Gautengse voorsitter van die vakverbond, het vroeër ‘n beroep op die publiek gedoen om op 30 November (Vrydag) aan die optog deel te neem.

Volg Nuus24 op Twitter