Cosatu: Wetgewers kan hul eie WB-kaartjies koop
2010-06-24 00:32
Johannesburg - Die vakverbond Cosatu en die
SAKP het Woensdag gesê hulle ondersteun nie die aankoop van
Wêreldbeker-kaartjies deur die provinsie vir wetgewers in KwaZulu-Natal nie.
“Wetgewers verdien genoeg geld om hulle eie
kaartjies te koop,” het die provinsiale sekretaris van die SAKP, Themba
Mthembu, gesê.
Minister van finansies Pravin Gordhan het
vroeër in die jaar aanbeveel dat regeringsdepartemente nie geld spandeer op
kaartjies vir die toernooi nie.
Zet Luzipho, Cosatu-sekretaris in
KwaZulu-Natal, het gesê kaartjies moes eerder aan amptenare van die departement
van sport en toerisme gegee word omdat hulle direk met die toernooi werk.
“Ons het ‘n probleem daarmee as kaartjies
vir wetgewers gegee word,” het Luzipho gesê.
Ndabezinhle
Sibiya, woordvoerder vir die KwaZulu-Natalse premier, Dr Zweli Mkhize, het gesê
die provinsie het kaartjies gekoop as deel van sy “bemarkingsveldtog.”
Die
leier van die DA in die provinsie, John Steenhuisen, het egter nie dié
verduideliking aanvaar nie.
“Hoe
kan ‘n mens die provinsie aan mense bemark wat reeds hier is?” het hy
gevra.
Volg
Nuus24 op Twitter.
- SAPA