Corné Nel (6) ter ruste gelê

2012-10-17 14:11

Bloemfontein – Corné Nel, wat verlede week in Mediclinic Bloemfontein gesterf het, se begrafnis is Woensdagoggend by die NG Kerk Pellissier gehou.

Die seun se ouers het besluit om nie ‘n nadoodse ondersoek te laat doen nie ten spyte van die raaiselagtige manier waarop hul seun oorlede is.

Corné (6) se pa, Schmidt, het aan OFM gesê dat hulle teen die nadoodse ondersoek besluit het, omdat hulle nie hul seun se lyk verder wil skaad nie. Hulle het besluit om hulle by die dokters se vermoedens te berus.

Die seuntjie het Donderdag gesterf nadat hy die Maandag met erge drukking op sy brein opgeneem is.

Volgens Nel kon ‘n presiese oorsaak van sy dood nie bepaal word nie, maar dokters vermoed dat hy moontlik ‘n infeksie opgedoen het of ‘n beroerte gehad het.

Volg Nuus24 op Twitter