Cope-leier in ongeluk beseer
2010-02-18 15:55
Johannesburg – Die DA in Mpumalanga het Donderdag ‘n beroep op die provinsiale regering gedoen om die paaie reg te maak nadat die Cope-leier Prudence Madonsela in ‘n padongeluk beseer is.
Volgens Velly Manzini, die DA se se provinsiale hoofsweep, het hulle Woensdag teruggekeer ná ‘n besoek aan Piet Retief, toe hulle ‘n reuse-slaggat op die Badplaaspad naby Vygeboom-dam getref het.
Volgens hom het hy eerste die slaggat getref en sy motor skade aangerig.
Madonsela het by ‘n vulstasie gestop en was ‘n paar kilometer agter hom.
“Eerw. Madonsela was nie so gelukkig nie. Sy het die slaggat getref en haar motor gerol. Sy is na die Baberton Medi-Clinic geneem waar sy behandel word vir haar beserings.”
“Die LUR vir paaie en vervoer sal bloed op sy hande hê indien ‘n motoris sou sterf as gevolg van die swak toestande van Mpumalanga se paaie,” het hy gesê.
Hy het bygevoeg dat hy probeer het om Madonsela te waarsku oor die slaggat, maar haar selfoon was glo af.
- Sapa