Cope dreig om Lekota wéér hof toe te sleep
2010-07-02 04:20
Johannesburg – Cope se Gauteng-tak dreig om stappe te neem teen die party se president, Mosiuoa Lekota, weens ‘n vergadering wat hy beplan om te hou.
“Hulle beplan om ‘n vergadering met die nasionale komitee te hou. Ons regsverteenwoordiger is besig om dokumente saam te stel wat sê dat so ‘n vergadering onwettig is,” het die party se provinsiale sekretaris, Mbulelo Bara, Donderdag gesê.
“As hulle voortgaan met die vergadering sal ons ‘n interdik kry teenoor die besluite wat daar geneem word.”
Hierdie dreigement is die nuutste in die leierskap-debakel tussen Lekota en sy adjunk, Mbhazima Shilowa, wat reeds voorheen in die hof gedraai het.
Volg Nuus24 op Twitter.
- SAPA