Cope-LP terug by die ANC
2012-01-03 19:32
Kaapstad – Die voormalige Cope-woordvoerder en LP, Phillip Dexter het weer by die ANC aangesluit, het hy Dinsdag gesê.
Dexter, wat die ANC skerp gekritiseer het gedurende sy tyd by Cope, het Dinsdagoggend oor sy besluit met die Cope-leier Mosiua Lekota gepraat.
"Ek het vanoggend met mnr Lekota 'n gesprek gehad," het hy gesê.
"Hy was baie goed daaroor. Wat hy gesê het bly tussen ons, maar ek kan eerlikwaar sê dit was nie 'n slegte gesprek nie."
Dexter het ook gesê hy is bereid om vrae te antwoord oor sy kritiek op die ANC in die verlede.
"Ek dink steeds daar is uitdagings en probleme in die ANC. Maar ek is bereid om verantwoording te doen vir alles wat ek in die verlede gesê het."
Cope is in 2008 deur die voormalige ANC-lede Mosiuoa Lekota en Mbhazima Shilowa gestig kort ná die bedanking van oudpres. Thabo Mbeki.
Dié party het egter erg gebuk gegaan onder interne struwelinge tussen die twee leiers.
– Volg Nuus24 op Twitter.
- SAPA