Cope, DA storm uit nasionale vergadering
2010-02-16 19:07
Kaapstad - Cope en die DA het uit die nasionale vergadering gestorm ná die adjunkspeaker Nomaindia Mfeketo 'n opposisie-LP beveel het om 'n aanmerking te onttrek.
Mluleki George, Cope-LP, het Maandag 'n aanmerking gemaak oor die regering wat die land na wetteloosheid lei.
Mfeketo het Dinsdag gesê George moet die aanmerking onttrek.
George het Mfeketo se interpretasie van sy aanmerking betwis en gevra om te verduidelik.
Mfeketo het gevra dat hy die nasionale vergadering verlaat en verdere aanmerkings oor dié aangeleentheid van die DA en Cope geweier.
Die DA en Cope het toe die nasionale vergadering verlaat.
– Sapa