Chuene is jammer
2009-09-19 11:50
Pretoria - Hoof van ASA, Leonard Chuene, het om verskoning gevra dat hy kennis van Semenya se geslagstoetse ontken het.
Chuene het aan die media gesê hy het dit gedoen om Semenya se privaatheid te beskerm, maar besef nou dat hy verkeerdelik opgetree het.
Hy het om verskoning gevra dat hy die publiek mislei het.
Suid Afrikaanse amptenare het herhaaldelik gesê dat daar slegs internasionaal toetse op Semenya uitgevoer is.
Die IAAF het aangedring op geslagstoetse nà daar vrae ontstaan het oor haar buitengewone gespierde liggaam en ander manlike eienskappe.
Tot dusver het hulle nog nie Australiese berigte verwerp of beaam dat Semenya beide vroulike sowel as manlike geslagsdele het nie.
- Sapa