Chili Peppers-aanhanger op pad na konsert dood

2013-02-06 10:12

Kaapstad – 'n Aanhanger van die Red Hot Chili Peppers is Dinsdagaand op pad na 'n konsert van dié groep dood ná sy deur 'n rower gekonfronteer is.

Die 47-jarige vrou was omstreeks 18:00 saam met haar 26-jarige dogter te voet na die konsert op pad toe hulle besluit het om 'n kortpad deur die Bo-Kaap te neem.

'n Rower het die ma se handsak probeer gryp, en die twee het begin baklei. Sy het by 'n steengroef afgeval.

Die vrou se dogter is glo in 'n hospitaal opgeneem.

'n Bron na aan die familie het aan Nuus24 bevestig dat die vrou 'n familielid is van 'n bekende Suid-Afrikaanse musikant.

Kol. Andre Traut, polisiewoordvoerder, het gesê die verdagte het van die toneel gevlug. Niemand is nog in verband met die voorval in hegtenis geneem nie.

– Volg Nuus24 op Twitter.

- Nuus24