Chaos by universiteit oor koshuisgeld

2013-02-12 08:12

Johannesburg – 'n Chaos het op die kampus van die Universiteit van Fort Hare in Alice in die Oos-Kaap uitgebreek nadat studente beveel is om die kampus te ontruim, het Dispatch Online Dinsdag berig.

Die studente het alle ingange versper, buitebande aan die brand gesteek en geëis dat die bestuur hulle toespreek oor die styging in koshuisgeld.

Dít is ten spyte van 'n tussentydse hofbevel wat studente verbied om te betoog. Dié bevel is deur die Bhisho-hooggeregshof uitgereik.

Mvuyo Tom, vise-kansellier van die universiteit, het aan Dispatch Online gesê 'n besluit is geneem om nie met die studente te vergader terwyl die situasie so plofbaar is nie.

"Ons gaan nie met hulle vergader terwyl daar 'n vuurwapen teen ons koppe is nie.

Studente is ook ongelukkig met sekuriteit by koshuise.

– Volg Nuus24 op Twitter