Chaos by Jub Jub-saak
2010-05-28 11:11
Johannesburg – Pandemonium het Vrydag losgebreek toe die hofsaak van die musikant Molemo "Jub Jub" Maarohanye en sy medebeskuldigde Themba Tshabalala uitgestel is.
Kort nadat beide verdagtes vir aanklagte van moord, roekeloos en nalatige bestuur en bestuur onder die invloed verskyn het, het die families van die vier slagoffers vir Jub Jub probeer bykom.
Een van die oorledenes se moeder het in trane uitgebars terwyl die ander familielede en vriende agter Jub Jub aangehardloop het. Hulle glo gegil en gevloek en probeer om Jub Jub te gryp.
Die polisie het hulle beste gedoen om die skare weg van die verdagte te hou, maar hulle is eenvoudig uit die pad gestoot.
Die polisie kon egter later daarin slaag om Jub Jub uit die hof te kry en het hom na ‘n naby geleë polisiestasie geneem. Hy sal na verwagting later onder polisie-begeleiding na veiligheid geneem word.
Volgens Diniswa Khambule, ouma van Prince Mahobe wat in die ongeluk gesterf het, is die vroue in die hof hartseer omdat dit die eerste keer is wat hulle die verdagtes te siene kry.
“Ons sal hom doodmaak. Hy moet kom jammer sê,” het Khambule gesê terwyl die huilende vroue mekaar getroos het.
Volgens haar was daar ander ooggetuies wat ook wou getuig in die saak maar is hulle glo deur die polisie weggewys.
Aan die begin van die hofsaak Vrydag was daar minder polisiebeamptes teenwoordig en moes Jub Jub tussen joernaliste sit en wag voordat die saak voorgekom het.
Die verdagtes sal weer op 30 Julie in die hof verskyn.
- Sapa
Volg Nuus24 op Twitter.