Cele verbreek stilswye oor OB-verslag
2011-07-18 14:28
Kaapstad – Genl. Bheki Cele, nasionale polisiehoof, sal Dinsdag reageer op die Openbare Beskermer (OB) se verslag oor die polisie se omstrede huurkontrak in Durban.
Dít volg nadat adv Thuli Madonsela, OB, die polisiehoof gekap het vir sy rol in die transaksie. Madonsela het hom skuldig bevind aan wangedrag en wanadministrasie.
Madonsela het pres. Jacob Zuma gevra om aksie teen Gwen Mahlangu-Nkabinde, minister van openbare werke, te oorweeg.
Die polisie en die departement van openbare werke het gevra vir meer tyd om die verslag te bestudeer.
Brig. Sally de Beer, nasionale polisiewoordvoerder, het gesê Cele sal Dinsdag 'n mediakonferensie in Pretoria hou.
– Lees meer hier
– Volg Nuus24 op Twitter