Cele 'respekteer' Zuma se besluit
2011-10-24 23:01
Johannesburg – Bheki Cele, nasionale polisiekommissaris, “respekteer” President Jacob Zuma se besluit om hom te skors, het sy kantoor Maandag gesê.
“Die nasionale kommissaris van polisie, genl. Bheki Cele, neem kennis van en respekteer die president se besluit. Hy is uiters vol vertroue dat hy heeltemal gesuiwer van die beskuldigings uit die opkomende ondersoek sal kom,” het sy woordvoerder, Nonkululeko Mbatha, in ‘n verklaring gesê.
Sy skorsing kom nadat die openbare beskermer, Thuli Madonsela, bevind het Cele se verkryging van twee huurkontrakte vir nuwe polisie-hoofkwartiere in Pretoria en Durban was onwettig en kom neer op wanadministrasie. Die huurkontrakte was ter waarde van R1,6 miljard.
Genl. Nhlanhla Mkhwanazi sal in Cele se pos waarneem.
Zuma se aankondiging het gekom ná weke van spekulasie oor Cele se toekoms, insluitende ‘n nuusberig dat hy moontlik ‘n diplomatieke pos in Kanada aangebied sou word.
- Volg Nuus24 op Twitter
- SAPA