Cato Manor: 'Moordbende' geskors

2012-09-12 11:41

Durban – Die hoof van die Valke se polisie-eenheid in KwaZulu-Natal en lede van die ontbinde Cato Manor- georganiseerde misdaadeenheid is met onmiddellike effek geskors, het ‘n koerant berig.

Die polisiebeamptes, waaronder Johan Booysen, hoof van die provinsie se Valke, staan tereg op meer as 100 aanklagte. Die aanklagte sluit in 14 aanklagte van moord, 14 van die onwettige besit van ammunisie, 14 van die onwettige besit van vuurwapens en vier aanklagte van huisbraak.

Booysen het aan The Mercury gesê die geskorste lede kry nog hul volle salarisse. Hy het bygevoeg dat die skorsings eintlik ‘n seëning is. 

“Ons sien uit na die tugverhore waarin die staatsgetuies uiteindelik bekendgemaak sal word...” Hy meen die “waarheid sal dan ontbloot word.”

Die mans sal in Oktober weer in die hof verskyn.

Volg Nuus24 op Twitter