Casino lê beslag op dobbelaar se boerpot
2013-01-20 13:15
Johannesburg – 'n Casino in Johannesburg het beslag gelê op 'n dobbelaar se wengeld en hom aangekla van betreding, het 'n naweekkoerant berig.
Die 53-jarige sakeman Mahesh Kalidas het hom verlede jaar vrywillig belet om alle casino's in die land te besoek, maar het aanhou dobbel, het die Sunday Times berig.
Kalidas beweer Montecasino het hom toegelaat om geld te onttrek en om meer as R40 000 op die slotmasjiene te blaas, maar het beslag gelê op sy wengeld van R129 000 toe hy op 31 Oktober verlede jaar die boerpot wen.
"Casino's is tevrede om dobbelaars wat belet is terug te verwelkom om te verloor, maar wanneer hulle wen, word hulle van betreding aangekla en uitgegooi, het die sakeman gesê.
Kalidas is in hegtenis geneem en het 'n skulderkenningsboete by die Douglasdale-polisiekantoor betaal.
Hy het gesê hy wil hê die casino moet die R200 000 wat hy in Februarie en Oktober verlede daar spandeer het, aan hom terugbetaal.
Kalidas het gesê hy het aanhou dobbel nadat hy ingestem het om belet te word omdat hy "beheer verloor" het.
– Volg Nuus24 op Twitter
- SAPA
