Buurman skiet rower
2010-01-03 14:13
Johannesburg - 'n Man het 'n rower doodgeskiet wat sy bure Sondagoggend tydens 'n roof in Alberton aangehou het, het polisie in Germiston gesê.
"Twee verdagtes is in hegtenis geneem en een is doodgeskiet in 9de Laan, Alberton, op Sondagoggend," het kapt. Steady Nawa gesê.
"Drie verdagtes het ongeveer 00:45 by 'n huis ingestorm en die man, sy familie en vriende aangesê om op die grond te lê," het Nawa gesê.
Een van die mans was gewapen met 'n pistool, en die ander het skroewedraaiers as wapens gebruik. Hulle het die man, sy vrou, dogter en haar vriende vasgebind en selfone, juewele en R3 000 in kontant geneem.
Terwyl hulle die buit voor die gesin verdeel het, het een van die dogter se vriende haar pa, wat in die huis langsaan woon, gebel.
Sy het daarin geslaag om haar selfoon te versteek.
Die pa het oor die muur gespring en die gewapende rower doodgeskiet. Die ander twee het in die huis in gevlug. Hy het daarna die polisie gebel.
Die twee mans, 38 en 30, het hulle vrywillig aan die polisie oorgegee.
"Hulle sal Maandag in die Germistonse landdroshof verskyn op aanklagte van huisbraak," het Nawa gesê.
– SAPA