Busse trap rem weens stakings

2011-08-04 13:09

Kaapstad – Johannesburg se Rea Vaya-snelbusdiens sal Donderdag gekanselleer word omdat busbestuurders met 'n onbeskermde staking besig is.

Die bestuurders is werknemers van die maatskappy Piotrans wat gekontrakteer is om die Rea Vaya-diens te verskaf.

RSG berig die arbeidshof het 'n interdik teen die busbestuurders uitgereik dat hulle nie mag staak nie, maar hulle ignoreer dit.

Die busbestuurders is ontevrede oor 'n nuwe skofstelsel wat volgens hulle onbuigsaam is.

Hulle staak sedert Maandag.

Volg Nuus24 op Twitter.