Burgemeester red man uit selfmoord
2009-11-24 20:06
Pietermaritzburg – Anele Hlatshwayo, die burgemeester van Pietermaritzburg het haar beradingsvaardighede gebruik om ’n munisipale werker uit ’n dramatiese selfmoordpoging uit te praat.
Hlatshwayo, ‘n kleindogter van die stamhoof Albert Luthuli is uit ‘n vergadering geroep toe ‘n man gedreig het om vanaf die Natalia Huis, ‘n gebou met 17 verdiepings, te spring.
Die man wat vir die departement van waterwese werk, het besluit om sy lewe te neem nadat hy in ‘n dispuut met die personeel van menslike hulpbronne betrokke geraak het oor sy salaris, het Hlatshwayo aan Sapa vertel.
Hy het begin senuweeagtig raak nadat hy slegs R346 vir die afgelope paar maande ontvang het.
Daar is onlangs geld van sy salaris afgetrek weens siekverlof nadat hy sy been beseer het.
Hy het ook bekommerd begin raak oor hoe hy vir sy familie en ‘n nuwe baba wat op pad is, gaan sorg.
“Ek belowe ons kan iets uitwerk as jy na ons toe kom,” het Hlatshwayo vir hom gesê.
"Hy het na ‘n geruime tyd afgeklim. Ek kon gelukkig my beradingsvaardighede gebruik.”
Hulle het later die man se geldelike probleme in haar kantoor bespreek.
Hlatshwayo was eers ‘n voorligtingsonderwyseres.
-Sapa