Burgemeester in sop oor foto van penis
2013-02-17 12:06
Johannesburg – ‘n Wes-Kaapse burgemeester word deur die polisie ondersoek nadat hy na bewering pornografiese foto’s aan sy adjunk gestuur het, het ‘n berig gelui.
Sunday Times berig Jonas White het na bewering pornografiese foto’s aan sy adjunk, Lorna Scheepers, gestuur. Foto’s van sy penis wat met room bedek en met ‘n aarbei versier is, is onder die foto's
White is die burgemeester van die Cederberg-munisipaliteit.
Volgens die koerant het die burgemeester na bewering ook ‘n vakansie vir hulle twee na Durban aangebied, wat die munisipaliteit glo sou dek.
Besonderhede oor die voorvalle is in ‘n beëdigde verklaring uiteengesit. Scheepers het dié aansoek by die Wes-Kaap se uitvoerende komitee van die ANC ingedien.
Songezo Mjongile, provinsiale sekretaris van die party, het aan Sunday Times bevestig dat die regerende party die aantygings ondersoek.
Novela Potelwa, ‘n polisiewoordvoerder, het ook die ondersoek bevestig.
White se woordvoerder, Anthony Mlata, het egter teen die bewerings uitgevaar.
“Die burgemeester kan nie onthou dat hy onvanpaste boodskappe aan enige burgers in die munisipale gebied van sy amptelike kapasiteit gestuur het nie.”
Volg Nuus24 op Twitter
- SAPA
