Buitelandse fondse vir KZN-hospitale droog op

2013-02-06 08:41

Durban – Die provinsiale gesondheidsdepartement in KwaZulu-Natal sal voortaan vir meer hospitale moet betaal wat voorheen deur buitelandse skenkers befonds is, het The Mercury Dinsdag gesê.

Sibongiseni Dhlomo, LUR vir gesondheid in die provinsie, het dié onthulling in 'n onderhoud met die koerant gemaak ná die gesondheidsdepartement aangekondig het dat hy die bestuur van Durban se McCord Hospitaal sal oorneem.

Dié hospitaal was op die punt om te sluit ná fondse van 'n Amerikaanse skenker opgedroog het. Die departement oorweeg ook die moontlikheid om die St Aiden's-hospitaal in Durban te koop.

The Mercury het berig dat 12 ander hospitale in die toekoms deur die provinsie se gesondheidsdepartement oorgeneem sal word, insluitend St Mary's in Marianhill en St Mary's in Melmoth.

"Hierdie hospitale is befonds deur buitelandse bronne, maar nou sê mense Suid-Afrika is 'n vry land en ons kan nie voortgaan om hulle hospitale te befonds nie," het Dhlomo volgens die koerant gesê.

– Volg Nuus24 op Twitter.

- SAPA