Broer, suster beseer in brand
2010-06-15 09:31
Johannesburg - Twee kinders is in ‘n kritieke toestand nadat hulle vasgevang is in ‘n brandende plakkershut in Orlando, het paramedici Dinsdag gesê.
Volgens Chris Botha, Netcare 911-woordvoerder, het die voorval Maandagaand plaasgevind toe ‘n kombers op ‘n oondplaat beland en aan die brand geslaan het.
“ ’n Vyfjarige seun en sy driejarige suster het brandwonde oor sowat 40% van hulle liggame opgedoen. Die beseerdes is na die Baragwanath-hospitaal vervoer vir behandeling,” het Botha gesê.
Volg Nuus24 op Twitter.
- Nuus24
- SAPA